www.librettidopera.it

Oh che trillo! Che passaggio!

(alzandosi col piatto in mano, e tovagliola in spalla mangiando)

Oh che merole de maggio!

A ste buce co li baffe

manco Raffe pò arrivà.

Chesse buce so tronate,

ste presenzie so portiente,

jate ncoppa a sti triate,

ca po tanto veramente

sentarrite la platea,

che gran sbattere ve fa.

Vuje che dicite? Chi v'abburla? Apollo

mm'allummò stammatina

de venì addò la Chiatta

a magnà lo zoffritto.

Che gorgheggi! che strille! che bolate!

Vuje site, e no ve faccio espressiune

ogge a Casoria quatto bellintune.

(Atta, sta pacchianotta, non ng'è male.)

E ch'accossì porzine

oje se canta pe copp'a sti triate,

vide na cantarinola,

che ba trovanno, patte, e commenienze,

vò alluoggio, e bestiario,

t'arroste no mpressario,

esce tutta pomposa in su la banca

e nghe ncigna a cantà, se stona n'anca.

Vuje potarrisseve

fa le fortune voste: ecco, io che songo

no masto de cappella, ho conosciuta

la vosta abilità. Tengo incumbenze

de truone, mo de botta

leste, leste me ve scritturarria,

e a Barletta a cantà ve mannaria.

E avite recchie?

Tanto zufficet. Io po' che so lo masto,

co na lezzione ogge, e n'avuta craje

ve faccio saglì ncoppa a sti triate

che parrarite quatto speretate.

(a Rosa)

Dimmi un po' a me, come te chiamme, e se hai

marito, o no?

E bé, simmo a cavallo

dint'al libro mettimmo

verbigrazia, Cleonice

regina di Fenicia. La signora

donna Rosa Baggiana

seu vel detta la Casoriana.

E tu siè tavernara?

E buoje

mpararte sta virtù.

A nuje, va', ca da ostessa

diventi virtuosa,

comme te chiamme?

E dirrimmo. La signora

Agata Malandrina

porzì chiammata la Tavernarina.

Non chiammà viento a mare

ca po esse fattibile la cosa.

(Già se ne va venenno la siè Rosa.)

Hi che folla de cantante,

a nuje va scritturammo.

E che è stato.

Non dammo retta a ste seconne parte,

va che bolimmo fa?

Justo no mio

scolare antico, che qui sta, ha un cembalo

mo te lo faccio 'n casa trasportare.

Ih chesse mo s'appiccecano,

e ancora non sanno

addove sta di casa alamirè.

Nge sta lo poeta.

Nge sta il maestro

che soccorre da vascio.

E frattanto che buje doje

state a farve st'inventario,

da quant'ha che lo mpressario

mpatrimonio se n'andò.

Co' la voce mia di petto

mo me metto a schiassà.

Ddo' sì? Appoja, appoja; stamattina

la podagra me pizzeca, non posso

vedermi int'a la casa,

so'nnammorato, e pecché 'no pocorillo

sto lontano da Rosa

la podagra me dà quacche refosa.

Oh, veccotillo sì don Marco. Salute.

Oh masto comme ecane?

Aggio visto

ca la jornata è bella

e aggio voluto fa na asciutolella.

Buono. Magne commico stammatina.

Te vuò piglià fastidio.

Che fastidio,

tu masto me si stato

da te aggio mparato a zorfiare.

L'aria che te mannaje

comme te stà?

No poco autolella.

La puntammo.

Siè, siè la saccio a mente

ma la podagra me fa troppo male.

Canta, sentimmo. (Chiss'è n'animale.)

Regnanto tradito

amanto spezzato

vorrisse che un perfido

contento imbrunito

lassasse co te...

Va vasta... vasta si no lieve mane

ccà mo siente abbajà tutte li cane.

Perché?

Non te sta bona.

Eppure io col mio canto

aggio acciso Casoria.

Te lo credo,

dimme na cosa vuje

mprestareme lo cembalo

pe na mezz'ora, aggio

da provà na scolara.

Padrone, ma chi è?

Po te lo dico.

Llà stace, pigliatillo;

ma chi è sta scolara.

Che ne vuò fa è una

che fuorze, fuorze me sarà mogliera.

Ng'avarria gusto, e te nzorasse ccane

ca io porzì me nzoro.

E chi te piglie.

Si la coglio sarà na vedovella.

Vedova porzì è chella.

E ghiammo a paro

nzieme comm'a li vuoje, masto e scolaro.

Ja jammo ncoppa, portà te lo faccio

dal mio Giacchetto... ah… ah.

Che d'aje?

Oh, amico,

la podagra me dà qua fumatella

da quanno in quanno.

Jammo, appojate a me.

Chisso che bò?

E non me vide

songh'ommos.

Verricos che bo dì?

Vo dire ciuccio.

Mmalora chiss'è astrologo,

t'ha annevenato apprimmo.

E a ussoria che nge ne mportas?

Don Ma? Fuimmoncenne.

(tirandolo)

Stà, stà, ah non terà ca mm'aje acciso.

Ussia cosa commanna?

(Ah l'aggio ntiso.)

Io no stara de cca, chiss'è paesano.

(E mme vuò schiaffà a me sti pulle mmano.)

Signò, nuje no ntennimmo il suo dioma

jate a parlà co chi ve sa risponnere.

Na vedova!

Sa quanto ng'è mancato

e il fravecava 'nfaccia a na muraglia.

Chi auza li tallune, maje non sbaglia.

Se ne ghiuto quel baffo mmalorato,

viene appriesso guaglione.

Addò la primma donna.

Oh e ba a mmalora.

Lo cembalo in taverna?

L'hai preso per sartania?

Vuje che dicite? ha da entrar colà.

E che pigliato m'aje pe cantastorie?

Oh, siate accise, ca me lo scordate,

lla voglio entrà, e schiattate.

Abbìa guaglione.

(Quanto va ca sta sgrata me l'ha fatta!)

Mo bello chiatto, chiatto,

nce la voglio scartà.

(si accosta alla porta di Rosa)

(Vi chisso che bo da fatte mieje!)

E a uscia che mporta?

Oh amico, e già che chesso

fa tu per me, io l'amo, e essa pure

se vroccoleja commico, penza tune

a decrearme, vì ca sto malato.

Jammo mo lla, si faje che mme la sposo

te regalo dimane na jommenta.

Ma chià lla dinto

sento ntruncolià, e si non erro

pare il cembalo mio, che mi dà in testa!

Apri la bocca, e fa' come fo io.

(Lo masto m'ha impallato.)

Fra li scogli, o la procella.

Tu che porcella? procella!

N'urzo già addevento.

(Mo faccio no sconquasso.)

Zi, zi, zi zu, zu, zu, zo.

Zi, zi, zi zu, zu, zu, zo.

Vi che folla, che scoglietta!

Mme zucate sa figliò?

Ve stonate na mascella.

Ma se site tre meneste,

figlie mej: n'è cosa no.

Zi zu zo, zi zù zi zò.

Zi zu zo, zi zi zu zo.

Vi lo masto che zaro

ha fatto ben'aggia oje a lo scolaro!

Penso al cancaro

che me torce a me sulo.

Era lo coccopinto de sto luoco,

e mo bennaggia aguanno

da che sto masto v'ha sbertecellato,

non c'è tra vuje figliole

una cana che m'osema.

Ah, justo chesso.

Non sì barca

tu figlia da mmarcà sti passeggiere.

Io songh'ommo che m'arregolo,

e ghiusto faciarria

se me sposasse io chella,

comme fanno li maste de cappella.

Si è la moglie bona, e modesta

che co cadenze, trille, e bolate

vatte le note de ben trattà.

Io doce, doce, guido l'orchestra

faccio li flaute schitto sonà.

Se strilla, e stona, co la superbia

s'esce de tempo, fa la verruta,

io la rimetto co la battuta,

e li strumiente fo rinforzà.

Maje, e poi maje me la po fare

comm'essa sona, saccio cantare,

comm'essa canta saccio sonà.

(via)

Mannaggia quanno maje

de venire a Casoria nge pensaje.

Voglio il cembalo mio intatto, e sano

che sta in tua casa, e tu me ne daje cunto,

ca ccà vedo mbrogliata la matassa,

e tu lo pagarraje si me lo scassa.

E buò che il conosch'io?

Che saccio si infra vuje

ngè buoglio, si ngè stato, o ng'ha da essere.

Io so masto onorato.

Voglio il cembalo mio,

e me ne vogl'ì a Napole, e addò sento

femmene, e cantarinole, di botto

voglio subeto fa na fuga a otto.

E come?

E po?

E ben fa tu.

In quanto a ciò, se isso trase a spao

io carreco lo masco,

e si del fatto mio

isso tremmà non bò, tremmarò io.

Be tozzolea.

Principia, tu con un a solo

ch'io co n'aria canesca intanto ammolo.

Io niente.

Come so il tutto, si t'ho ditto niente?

L'ha ditt'essa. (Oh mmalora

vì che bella sonatella de Plajen ho d'avere

ncopp'a ste spalle.)

Certo un anno a oje.

Certo

saje, comme se scrive?

Muorte co muorte, e vive, co li vive.

(È restato di stucco il mio signore.)

Addò sta.

Tu?

Agge pacienza

si bices, boces mio.

Sto mustaccio me face apprenzione

nge voglio fare un po' reflessione.

(via)

Se n'è ghiuto il si baffo, mò mme mmocco.

Addò la vedovella

che chianillo, chianillo

mme vace nnammoranno, e che sarria

malo negozio? Essa canta, io scrivo,

si al concrusio venimmo,

virtus unita fortia faciarrimmo.

Che stato?

A dà na lezzione.

Che nge stesse mustaccio? Va dicenno.

Comm'adaggio

dimmello priesto.

Di', di' ca faje buono,

che nge quaccosa?

E parla.

Rosa che?

Ma figlia

si a ogne parola me nge schiaffe

no sospiro de pausa, quanno cante

tu accide co na scena l'ascordante.

Io che?

Mannà che t'aggio asciata,

fatt'ascì l'arma. Io che?...

Aspé... spiegheme... Siente... se n'è ghiuta

e ncorpo m'a lassata

la trezza de li vierme... Rosa!... acciso!

vino!... veleno!... e ba ca mo non vevo

chiù bino mente campo... avesse fatto

st'accisa società co lo sargente,

e pe dà gusto a chillo

dare me la volesseno la bobba?

Ma perché mo sta robba? Se nge fosse

puosto pe tierzo pe la gelosia

porzì don Marco? E che pozz'i sapenno?

Besogna che me guardo

d'amice, e da nnemmice, ajemmè li diente

m'accommenzano a fa trille, e mordiente.

(Chisso è tutto de Rosa

me lo voglio fa amico, e mo pe chella

sceppare ne vorria na mmasciatella.)

Ne si masto zù, zù...

Scostate, e parla

dece canna da rasso.

E che so Sautanasso? nge volimmo

ghi a bevere na meza.

(Sientetillo.)

Gnernò non bevo vino.

Che d'aje? so galantommo.

E chi t'ha ditto, ca si mariuolo?

Ma arrassete te dico.

Chiss'è pazzo.

Ah...

No lo saccio...

Non faccio lezziune,

scrivo a teatre, e me la veo col Sassone.

No lo saccio.

Allaria sà?

Va' a mmalora

tu pure.

Scostate dico.

Tu sbariasse?

Arrassateve, o strillo.

De mammema porzì si torna a nascere.

Perfidi tutti siete i miei nemici.

Tutti nemici, e rei,

tutti tremar dovete,

perfidi lo sapete

e mi zucate ancor?

Sto baffo cca de becco,

sta scirpia mmalorata,

sta poppa de sciabbecco

me vonno ntossecà.

Mo ncuollo na paglietta

ve voglio appiccecà.

Nge voglio pe sta storia

Casoria revotà.

Ajemmè ca mm'amenacciano,

mo arrangano, mo tacciano,

gnernò... non dico a buje.

Gnernò... non dico a lei.

Gnernò... non dico a chessa,

gnernò... non dico a chella.

(Mo affé ca la tua pella

si masto de cappella

non bace no befà.)

D'arraggia oimé sto chino,

e manco ho da sbafà;

e n'tanto a lo cerviello

me volle na caudara

blo, blo, che bolle e spara,

e a furia nzine fino

na rota de molino

pe capo vene, e bà...

(via)

Aggio udito, e capito.

L'amico fa lo locco

pe non bolé pagare la gabella

ma le starraggio a fa la sentenella.

(via)

Ccà la porta stace aperta,

so trasuto guatto, guatto

mo lo cembalo mme gratto

e sbennegno pe da ccà.

Ma la fauza sta 'nfacenna,

de lassarla n'aggio core,

nfrà lo triemmolo, e l'ammore

pennolanno io stongo già.

(Addonata s'è la gatta

ca lo sorece sta ccà.)

Figliò lo cembalo

me ne vogl'ì.

Damme lo cembalo,

la vuò scompì.

Mmalora scumpela

o co li pacchere

ssi gargarisime

te faccio fà.

È permesso?...

Uh mmalora!

Perché ne?...

E la mia lana,

non te preme de sarvà?

È permesso?...

Oh diavolo, mannaggia

chi m'ha miso int'a ste botte.

Li fasule già so cuotte

ho finito de campà.

(entra in una botte)

(fuori)

Dico io mo, che bernia, e chessa?

Che pigliata pe n'allessa

l'aje lo nostra nobiltà?

Nelle case addò accalomma

il signor don Marco Mbomma

nge va ammore a semmenà.

Voglio amore...

Io t'adoro, e sta zampogna

nzieme avimmo d'accordà.

Accordammola...

Cara mia.

(Sta a bedè ca nfra sta feccia

la zampogna si s'accorda

quacche ntorcia sorda, sorda

porzì l'aggio da smiccià.)

Alla pelle ho da badà.

Chessa votta, non è trista

ca sparagno d'abbuscà.

(entra in botte)

(Ha de votte na provista

pe imbottar l'umanità.)

(Sta soletta, e simmo treje.)

(Canto di sorte mano.

Sarà pe m'atterrà!)

Che faje... bennaggioje,

ca chisso n'è mio,

pel cembalo, ed io

ve cerco pietà.

Pe me songo joje

si n'auto ne vuoje

va trovalo là.

Signò, farfariello

gnorsì mme cecaje.

Non ce vo l'auto, mme l'ho puosto ncapo.

Ma che sì pazzo?

Voglio

fa lo mpressario, craje

ad affittà me manno no triato,

mo me scritturo Rosa pe dispietto

de chillo che m'ha bisto int'a la votte,

nzomma vogl'ì a malora e bonanotte.

È ca pe chesso.

E tu vamme dicenno

note e parole, come va la cosa

del tuosseco, e la botta?

Azzoè a dire te l'avraje sonnato?

A nuje, figliò, facimmo ste scritture:

aggio mannate doje caneste a Napole

ad affittà li meglio sonature,

e no vestito pe te procurato

t'aggio, acciò facce la figura toja.

Ora vide che ghioja: nzomma uscia?...

Oje voglio fa concierto.

Che concierto, sì pazzo?

Oh lo spartito ll'aggio pe prim'opera

voglio fare lo zio de Metastasio.

Lo zio de Metastasio?

No lo saje?

Tu lo scriveste.

Ah l'Ezio.

Che saccio

l'Ezio, l'è zio, ja jammo dal notaro.

Aspè, e lo primm'ommo

chi lo fa?

Lo faccio io.

Don Ma' vattenne

me vuò fa esse acciso?

Ora io pago li denare, e boglio

vocà. Figliò aspettateme

ca pe fa' lo mpressario

già tengo le petecchie.

Già me sento di fiscaje int'a le recchie.

Voglio ì a fa na revista a lo spartito,

sento chre ste pacchiane

sentennolo cantà spisso a Don Marco

sanno l'arie a memoria, che n'è poco;

pe quaccosella che se sbaglia poi

colla destrezza suppliremo noi.

Padron mio.

(Oh mmalora!)

Questa sera

ha da ghì in scena,

ed il maestro al cembalo

quanno sta con decenza ben portata

ha n'applauso sopierchio, o na fiscata.

Zoè sposo.

Quella fuje na chiacchera di quella.

Io per altro...

Perché no: tutto è pronto. L'impressario

sta col danaro ammano,

li mastedasce acconciano l'orchestra,

li luminarie cevano li lume,

li sonature so pe strata, a st'ora

creo no nge mancarrà na tianella.

Comme c'è mancarrà, s'io sono qui.

E perché?

Già il so, ma quando poi

sarà a qua cent'anni.

Adesso che?

Lei che dice?

Io sto comm'a no toro,

vi ccà.

A li cane.

Ma comme nc'entra

accossì nzicco, nzacco

questo discorso funebre?

E ne può far di manco,

io questa me l'ho messa

per far completa la guarnizione,

e non pe ghi facenno questione.

Ben, mo di botto

me la vavo a levà...

Co chi?

(Io già avea capito

lo tuono, e bì si passa

da mezz'ora no cane pe sta strada.)

Mio signor lei con chi l'ha?

E perciò con fatti miei?...

Viceversa sappia lei

ch'io non l'ho con fatti suoi,

e perciò per fatti miei

pian pianino me n'andrò.

(A lo cembalo sta sera

la mia pella non ci và.)

Doman poi l'aviserò.

No, no nò, no nò, no nò.

E che credi sia di legno,

na stracciata me la fò.

Un tantin ci penserò.

Ed io fretta ohibò non ho.

Forse sì, e forse no.

Forse no, e forse sì.

Che ho da dirti i fatti miei.

Lo sa il cielo, lo sacc'io,

che alemanna il cor mi fa.

(Si la sferro, si la scappo

si la pella mo ne scippo.

Guatto, guatto mme l'allippo,

e bittoria andrò a cantar.)

Io t'aggio scritturiata

da primma donna, pago li denare

e tu Rosa mme vuoje precipitare.

(Vi sta fella cocozze che pretenne.)

Malan che dio te dia.

E che si cionca?

Di a mammeta che tozza

pe fare carrià le cantarine,

nuje avimmo a Casoria li traine.

Oh e zitto.

Lo concierto se face

cca pe la prima vota.

Che buò ire?

Mmo cca ve faccio fare lo sequestro.

Ecco qua i signori dell'orchestra

mo arrivati in canestra,

i migliori ornamenti

di fontana Medina. E stiamo attenti

a quelle semicrome, ca mo veneno

tutti li magnatizie casoriane

miei partitanti, a sbattermi le mani.

A nuje vè; situateve accordate.

(Ajemmè è benuto

il partito contrario.)

Lui ci è patrone!

Creo ca competarrite

si sto un po' raffreddato.

A nuje le carte mmano;

(tocca il cembalo)

vì sto cembalo

si lo vo' accorda maje chillo briccone.

Signori professori

badate prego un po' a la stima mia.

Principiammo alò la zinfonia,

va figliù jammoncenne

ca n'armonia veloce,

sempe la primma forte, e l'auto doce.

Ttai, ttai, ttai, llarà, llarà,

accossì ca jammo buono

bravi, viva, dammo a chessa,

doce, doce, senza pressa

ttai, ttai ttai, llarà, la la!

Vì cca vaje no tuono sotto

n'abbordà sta violoncella.

Tu va chià co sto fagotto

ca me pare na vitella.

Forte adesso, jammo unite,

co sti cuorne mme stordite,

accossì tarai tà tà.

Oh che chiasso, che armonie,

oh che prattica, oh che estro

na chiù bella zinfonia

manco Glucco la sa fa.

Dite alò bravo maestro

ca la capo ha da vascià.

A noi Ezio con seguito, e bandiere.

Eccome ccà?

Signor vincemmo a i Cesari Andrioni

il torron nel mortaro

fuggitivo ritorna.

Don Marco ca ng'accide.

Io so ncontrato, siente ca se ride.

Va facimmo la musica,

l'aria di Fulvia, col recitativo.

(Né poco si da ca me n'esco vivo.)

Rosa

pe caretà ca nò ne ngarre una.

Zitto ca dice buono.

E tu comme lo saje ca dice buono?

Ca songo lo mpressario, e come tale

devo sapere...

Ca si n'animale.

Appriesso va. Di comme dice, dice

piglia comme vuò tu sarde p'alice.

Di tragedie feconde.

E de Tommaso...

Rosa bennaggia craje, tu liegge a caso.

Mo suggerisco io.

Di un padre predicatore.

Di un padre traditore.

Ah sì...

Dò Mà, va assettete.

Brava accossì.

E biva, e biva Rosa.

Nuje duje pe bacco simmo n'auta cosa.

Che bo di sta storia?

Oh sfortunato me cca m'arrepecchio.

(si pone in una cassa che trova in cantone)

Mo va a malora il masto de cappella,

e chi esce chiù da sotta a chisso cembalo.

Oje masto statte attiento a sto spartito,

bada al cembalo, vide

che quaccheduno no me lo maltratta.

Bado a la mala Pasca che te vatta.

Io mo moro de subeto.

Pe na testa masto caro

via dancella, e resta ccà.

Oje mpressario cocozzaro,

ca te mmezzo de parlà.

Ah mmariuole.

Io voglio esser rifatte

li danne, ca m'ha fatte

a tutte cheste perdere la voce.

Cammarà nge sì trasuto.

Tu può dì chello che buoje,

l'omicidio cca faciste,

si mo mpiso, e già se vede,

e si manca il tirapiede

a servirte io stongo ccà.

Mori mpiso, e ti prometto

da maestro liberale,

ca un solenne funerale

ti compongo, e fò stampà.

Non nge sento.

Son sordo,

della botte mi ricordo

ca Diogene m'aje fatto

pe mezz'ora addeventà.

(al sergente)

Mio patrò ca s'è abburlato

io songh'ommo conosciuto,

resta a me pe consignato,

ve potite ritirà.

Nge pens'io de t'aggiustà.